Јапонскиот начин на сушење алишта ни е корисен особено во дождливите или студените денови. Тој е ефикасен и користи помалку енергија од машината за сушење.
Досега многупати сме пишувале за разни трикови за сушење алишта, но благодарение на еден трик од Јапонија, никогаш не било полесно или поедноставно.
Јапонците открија дека можат да исушат облека на ладен воздух, пишува порталот Крстарица.
Зад овој трик стои Изуми Онуки, експерт во уметноста на сушење алишта. За брзо и ефтино сушење на алиштата, на пример во дождливи или студени денови, тој препорачува вентилатор за облека.
Тоа е уред достапен во Јапонија кој овозможува облеката да се суши рамномерно и брзо без да се загрее просторот или да се зголеми влажноста. Сепак, овој уред може да го замени секој вентилатор.
Тој троши помалку електрична енергија од машината за сушење алишта и ја врши истата работа, можеби само во малку подолга временска рамка.
Како да се исушат алиштата со вентилатор?
Процесот е многу едноставен.
Раширете ја решетката за сушење алишта и закачете ја облеката. Наредете ја по тип и големина, а потоа ставете го вентилаторот до решетката, внимавајќи да не ја допира облеката.
Вклучете го вентилаторот и почекајте облеката да се исуши. Ефектот е ист како и сушењето алишта на ветер.
Проверете дали областа каде што ги сушите алиштата е добро проветрена за да се спречи таложење на влага.
