Балкан

Тројца уапсени поради инцидентот на сплавот „Фристајлер“ во Белград

Напишано од Леонардо на

Повеќе во Балкан:

Три лица, меѓу кои и грчки државјанин, се уапсени поради инцидентот на сплавот „Фристајлер“ во Белград што се случи на новогодишната ноќ кога тој објект почна да тоне, објави телевизија РТС.

Сослушувањето на приведените е закажано за утре.

Тројцата се уапсени поради сомнение дека сториле кривично дело „тешко дело против општата безбедност со намера да предизвикаат општа опасност“.

Тие се сомничат дека на 31 декември 2022 година дозволиле да се качат на платформата поголем број луѓе од капацитетот на објектот, поради што тој делумно потона и со тоа беше загрозена безбедноста на голем број луѓе.

На осомничените им е одреден притвор до 48 часа.

Ноќниот клуб „Фристајлер“ почна да тоне на новогодишната ноќ, поради преоптовареност. Полицијата по инцидентот соопшти дека сите гости се евакуирани.

Градоначалникот на Белград, Александар Шапиќ изјави дека причината за потонувањето на сплавот е тоа што на него се качиле два до три пати повеќе луѓе од дозволеното. Тој најави дека ќе има построги контроли и казни и дека виновниците ќе бидат кривично гонети.

Пронајдете не на следниве мрежи:©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.