НАТО има витален ангажман за заштита на Полска во секој еден момент, изјави полскиот премиер Доналд Туск по средбата со генералниот секретар на Алијансата, Марк Руте во Варшава.

– Потврдувањето на ангажманот дека НАТО е должен да ја брани Полска во секоја критична ситуација е многу важно за нас, наведе Туск.

Тој додаде дека претставниците на САД постојано нагласуваат дека во случај на опасност секогаш ќе бидат подготвени да ја бранат Полска и другите земји од сојузот.

Руте ја потврди подготвеноста на НАТО да ги брани своите сојузници и додаде дека Алијансата ќе одговори со сите сили на секој напад.

– Нашата реакција ќе биде поразителна. Ова треба да му биде јасно на (рускиот претседател) Владимир Владимирович Путин и на секој друг што сака да не нападне, потенцира Руте.