Инфомакс ексклузивно дознава дека полицскискиот службеник од Велес, Ангел Сарамараков е уапсен во текот на вчерашниот ден откако бил фатен како на цивили дава полициски документи со ознака „Строго доверливо“.
Имено се работи за полицски службеник кој е дел од личното обезбедување на премиерот Христијан Мицкоски. Сарамаков бил фатен во текот на вчерашната вечер на паркингот на хотелот „Гарденија“. Тој со себе носел службен материјал „Строго доверливо“ кој го изнел од просториите на СВР Велес.
Обезбедувањето на премиерот се обидело материјалот да го предаде на друго лице по потекло од скопското село Сарај, поточно Грчец. Инаку полицијата сосем случајно го фаќа шпиунот во своите редови следејќи го движењето на интересното лице од Грчец кое се сретнало со обезбедувањето на премиерот.
По извршениот претрес во домот на полицискиот службеник е констатирано дека во неговиот дом се наоѓа и дополнителен службен материјал. Според наши информации тој е приведен и ќе биде изнесен пред истражен судија во текот на денот.
Овој службеник повеќе пати бил пријавуван кај внатрешната контрола, бил деградиран, а лично се жалел и во Државната комисија за спречување дискриминација. До април 2024 при СВР Велес тој работел како виш инспектор по имотни деликти, а од април како инспектор за увиди во крим техника.
Веднаш по доаѓањето на власт на ВМРО-ДПМНЕ тој е унапредден во лично обезбедување на премиерот Христијан Мицкоски.
Инаку Самараков е и истакнат член на Синдикатот на полицијата па така неретко е на средби во просториите на Собранието на Република Македонија. На конкретната среба тој е со пратениците на ВМРО-ДПМНЕ Бојан Стојаноски, Дафина Стојаноска и Зоранчо Јованчев. Се работи за вторикот ли од лево на фотографијата.
Полицијата настанот кој се случил вчера не го објави во денешниот билтен, а екипата на Инфомакс повеќе од два часа чекаше одговор на прашањето:
-Имаме неофицијална инфомација дека вчера е уапсен член на полициското обезбедување на премиерот, Христијан Мицкоски. Имено се работи за Ангел Самараков кој предал полициски документи означени со Строго довеливо на лице од С. Грчец. Подоцна во претрес на неговиот дом е пронајден дополнителен полициски материјал. Може ли да добиеме потврда за настанот, стои во прашањето на Инфомакс.
ССМ: На 2 април јавна седница, на улица ќе кажеме дека платите на работниците мора да се зголемат
До овој момент немаме одговор на прашањето на Инфомакс, но се очекува во секој момент полицијата да излезе со соопштение.
Неофицијално соопштението доцни поради огромни притисоци од врвот на власта.
