Во експлозија на бомба за време на католичка миса во образовна институција во градот Марави на југот на Филипините, четири лица загинаа, а неколку луѓе се ранети Филипинските власти денеска ја подигнаа состојбата на готовност на безбедносните служби на највисоко ниво.
-Најостро го осудувам бесмисленото грозоморно злосторство извршено од странски терористи. Екстремистите кои вршат насилство врз невините секогаш ќе ги сметаме за непријатели на нашето општество – изјави филипинскиот претседател Фердинанд Маркос Џуниор, пренесува Ројтерс.
Експлозијата во градот, кој беше контролиран од милитантите на Исламската држава пет месеци во 2017 година , се случи по убиството на 11 екстремисти во петокот, во воена операција во провинцијата Магуинданао дел Сур, на околу 200 километри од Марави.
Повикувајќи на смиреност, Маркос објави на платформата X (Твитер) дека им наредил на полицијата и војската да „обезбедат заштита и безбедност на цивилите и ранливите заедници“.
– Бидете сигурни дека сторителите на овој безмилосен чин ќе ги изведеме пред лицето на правдата – изјави генералот на филипинската армија Габриел Вирај Трети, оценувајќи дека станува збор за „терористички чин“.
Пронајдете не на следниве мрежи:
