Мал авион со работници вработени во нафтените полиња во Јужен Судан се урна во средата во провинцијата Јунити на југот на оваа африканска земја, при што загинаа 20 лица, соопшти официјален претставник.Авионот се урна во средата наутро на аеродромот Унити во нафтено поле додека беше на пат кон главниот град Џуба, изјави Гатве Бипал, министер за информации на државата Унити.Бипал рече дека патниците биле работници на Greater Pioneer Operating Company (GPOC), конзорциум кој ги вклучува Кинеската национална нафтена корпорација и државната корпорација Нил Петролеум.
⚡️ BREAKING Plane Crash in South Sudan Kills 18A passenger plane crashed near Unity oil field in South Sudan, killing 18 of 21 onboard, local media report.Other recent crashes include an Iranian Air Force plane in Hamadan (pilots survived), a Citation 525 crash in Brazil(1… pic.twitter.com/DCfL8D6Nqx— NEXTA (@nexta_tv) January 29, 2025
Тој рече дека меѓу загинатите има двајца кинески државјани и еден Индиец.Бипал не соопшти повеќе детали за околностите кои довеле до несреќата. Медиумите првично наведуваа дека бројот на загинати е 18, но Бипал за Ројтерс изјави дека двајца преживеани подоцна починале. Едно лице преживеало.
Разурнатиот од војна Јужен Судан во последните години доживеа неколку воздушни несреќи. Во септември 2018 година, најмалку 19 лица загинаа кога се урна мал авион што превезуваше патници од главниот град Џуба до градот Јирол.Во 2015 година, десетици луѓе загинаа кога товарен авион од руско производство со патници се урна по полетувањето од аеродромот во главниот град Џуба.
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
