Украина го изврши еден од најголемите напади со беспилотни летала врз Москва досега.
Ројтерс пренесува дека ова утрово го соопштил Сергеј Собјанин, градоначалникот на руската престолнина.
Тој изјави дека единиците за противвоздушна одбрана (ПВО) уништиле 11 беспилотни летала кои летале кон главниот град на Русија.
- Некои од беспилотните летала се уништени над градот Подолск – објави Собјанин.
Овој град во московскиот регион се наоѓа на 38 километри јужно од Кремљ.
– Ова е еден од најголемите обиди за напад со помош на дронови досега – напиша Собјанин на Телеграм во 4:43 часот по локално време.
Британската агенција соопшти дека нападот се случил додека Русија, додека нејзините сили напредуваат во источна Украина, се бори да ги одбие упадите на украинските трупи во регионот Курск, повеќе од две недели откако тие упаднаа преку западната граница на Русија и ја започнаа најголемата инвазија во земјата досега од крајот на Втората светска војна.
Собјанин рече дека, според прелиминарните информации, нема извештаи за повредени или штети по последниот напад со беспилотни летала врз Москва.
Ројтерс пренесува дека денешниот воздушен напад се чини дека е поголем од оној во мај 2023 година, кога над руската престолнина беа уништени најмалку осум дронови, а претседателот Владимир Путин нападот го нарече обид на Киев да ја исплаши и испровоцира Русија.
Се вели дека руските власти ретко даваат целосни податоци за размерите на украинските напади и ги пријавуваат само оние беспилотни летала што единиците за противвоздушна одбрана успеваат да ги уништат.
И Русија и Украина ретко пријавуваат каква било штета предизвикана од воздушни напади на непријателските сили, освен во случаи кога била погодена станбена или цивилна инфраструктура или биле убиени цивили.
Ројтерс наведува дека денешниот напад на Москва е дел од пошироките напади со украински беспилотни летала на руска територија.
Министерството за одбрана на Русија соопшти дека единиците за противвоздушна одбрана уништиле 23 борбени беспилотни летала над областа Брјанск.
Во соопштението се наведува дека шест беспилотни летала се уништени над регионот Белгород, уште еден што граничи со Украина, како и три кои биле соборени над регионот Калуш, кој граничи со московскиот регион на североисток, како и два над регионот Курск, каде се водат борби на руските и украинските сили
Александар Богомаз, гувернерот на областа Брјанск, на Телеграм напиша дека нема извештаи за жртви или штети по нападот на тој пограничен регион на југозападот на Русија.
Руската државна агенција РИА Новости објави и за два дрона уништени над регионот Тула, кој граничи со Московскиот регион на север.
Пронајдете не на следниве мрежи: