Заемот од една милијарда евра што новата влада на Македонија ќе го добие од Унгарија, е најголемиот што владата на Будимпешта некогаш го одобрила некому откако Виктор Орбан ја презеде власта.

Идниот министер за транспорт и врски Александар Николоски од партијата ВМРО-ДПМНЕ потврди дека новата Влада, чие гласање е закажана за утре, ќе се задолжи за една милијарда евра во странство. Тој рече дека нема да се земе заем од Кина туку од ЕУ држава.

„Се одлучивме на овој чекор бидејќи каматните стапки на меѓународните институции како Светската банка и Меѓународниот монетарен фонд во моментов се над 5 проценти“, вели Николоски.

Каматната стапка на заемот од Унгарија е околу 3 проценти.