Смртоносна бура пристигнува во Мексико. Мексиканските власти започнаа евакуација на илјадници граѓани за да ги заштити од ударот на страшен ураган од најсилна категорија кој се приближува кон западниот брег на земјата. Според информации на странските медиуми, неколку илјади луѓе веќе се евакуирани, главно од државата Синалоа.
Ураганот “Вила“ во еден момент достигна ниво од петти степен, по што „се смири“ на четврти степен.
Се очекува ураганот прво да помине преку или покрај групата острови Маријас, кои се наоѓаат на околу 96 километри од брегот, а потоа вечерта да тргне кон брегот кој се протега на околу 220 километри помеѓу градовите Масатлан и Сан Блас.
