Силен циклон од северот на Африка, во претходните два дена, се движеше над Тунис кон Малта и Сицилија. Вредноста на притисокот падна под 1000 милибари.
Овој циклон донесе многу обилни поројни дождови и силни бури, а бран обилни врнежи од дожд и бури го зафати појасот од Тунис, Сицилија, Малта и јужна Италија преку Сардинија до Балеарските Острови и источна Шпанија.
Во исто време, силен антициклон со вредности на притисок од над 1030 милибари остана над Грција, па затоа беше присутен многу изразен градиент на притисок над Медитеранот и гореспоменатите области.
View this post on Instagram A post shared by Lovin Malta (@lovinmalta)
Силните југоисточни струи предизвикаа големи количини песок да се преместат од Сахара во северна Либија кон Сицилија и јужна Италија.
Југот на Италија, Сицилија, Сардинија и Малта беа најтешко погодени од бурата.
На источните брегови на овие региони наврнаа над 200-300 литри дожд, локално и повеќе, со разорни поплави и порои. Југоисточниот ветер имаше налети со сила на ураган од над 120 км/ч, со бранови високи до 10 метри.
Разорните бранови ги поплавија крајбрежните области и однесоа сè пред себе, а најкритична ситуација беше во Катанија, Сиракуза, Месина и Малта.
Ова е една од најсилните бури досега во овој дел од Медитеранот.
Циклонот сега се движи кон Јонското Море и Грција ќе биде погодена од бурата денес.
Низ цела Грција се очекуваат бури и многу обилни дождови. Силни врнежи од дожд со грмотевици се очекуваат во крајбрежните области, додека во континенталните области до југот на Грција се очекуваат обилни врнежи од снег, во планините во централните и северозападните области, до еден метар.
Поради силни грмотевици, крајбрежните области на Грција ќе бидат погодени од поплави и порои.
Потоа бурата ќе се движи североисточно кон Егејското Море.
Дел од овој силен облачен систем донесе облаци и врнежи од снег во Македонија.
The post Ураганска бура во Сицилија и Малта, бранови како ЦУНАМИ уништуваат сè пред нив: Грција го уклучи алармот! appeared first on Во Центар.
Пронајдете не на следниве мрежи:
