Тимот од „Култура Бета“ и „ПНВ Публикации“ ги одбра новите поетски таленти кои ќе земат учество на настанот наречен „Скопје СИ ТИ“, што следува по објавениот конкурс на тема посветена на урбаната поезија. Следните поети ќе бидат дел од „Скопје СИ ТИ“: Јована Алексовска, Селин Есад, Христијан Илиевски, Максим Костадинов, Нино Наумовски, Милена Неделковска, Клаудио Серафиноски, Фотиј Сионис, Симона Срезовска, Бисера Стефановска, Методија Тасевски и Дарија Трендафиловска. Оваа манифестација ќе се случува во среда, на 21 мај, во просториите на Скопје Сити Мол, почнувајќи од 19:00 часот. Целта на овој настан е да ги поддржи младите поети кои сè уште се во раните фази од својата кариера, нудејќи им можност за јавен настап и читање поезија како дел од „Денови на поезијата“, кој е планиран за периодот од 19 до 21 мај. Организатори на овој настан се Скопје Сити Мол, Фондацијата „Ацо Шопов Поезија“, Филолошкиот факултет „Блаже Конески“ ‒ Скопје, ПНВ Публикации, Култура Бета, заедно со други партнери, кои заеднички работат на организација на повеќе настани фокусирани на поезијата. Програмата ќе биде објавена наскоро.
The post Учеството на млади поети на „Скопје СИ ТИ“ во „Денови на поезијата“ appeared first on 365.mk.
