Требаше да биде продолжен и претходно, заради прогласената епидемија на морбили, но бидејќи немаше заразени деца од школска возраст таа одлука се промени. Но, заради континуираното загадување на воздухот, како и метеоролошките прогнози за следните денови, Владата на Република Македонија, донесе итна мерка за продолжување на траењето на зимскиот распуст. Одлуката се однесува на сите ученици од сите јавни и приватни основни и средни училишта во Р. Македонија, а истата е донесена преку итна координација на Министерството за образование и наука, Министерството за животна средина и просторно планирање и Министерството за здравство.
– Продолжување на траењето на зимскиот распуст за сите ученици ќе трае во времетраење од два дена, заклучно со вторник, 22 јануари 2019 година. Училиштата ќе бидат во функција, учениците нема да посетуваат настава во наведениот период, наведуваат од Владата.
Како што нагласуваат од таму во овој период Владата ќе ја следи состојбата врз основа на која, а во координација со Министерството за образование и наука, ќе одлучи околу времетраењето на продолжувањето на зимскиот распуст.
