Претседателката на Европската комисија, Урсула фон дер Лајен, која денеска од Скопје допатува во Приштина во рамки на нејзината балканска турнеја, порача дека Косово треба да го прифати нацртот за Заедницата на општини со Српско мнозинство, додека Србија мора да прифати де факто признавање на Косово, јави дописникот на МИА од Приштина.
На заедничката конференција со косовската претседателка, Вјоса Османи, по нивната средба во претседателскиот кабинет, фон дер Лајен рече дека дијалогот меѓу Косово и Србија е единствениот пат на двете земји кон напредокот.
- Просечната плата во Хрватска стигна до 1315 евра или речиси 700 евра повеќе од Македонија
- Расте бројот на загинати во израелскиот напад на Бејрут, меѓу загинатите има деца
- Познат идентитетот на загинатиот на патот Штип-Кочани: Во него удрил 26-годишен кочанчанец со „опел“
- Изградба на брза пруга Скопје-Солун со 200 километри на час, вели Николоски
- (Видео) Лавров: Се однесуваат како мали деца!
- Уживајте во сонцето, од вторник повторно дожд
- Еве што ќе биде поевтино: Пониски цени на 73 прехранбени производи до 31 октомври
- Сопственичката на компанија од Унгарија поврзана со експлозијата на пејџерите во Либан, под заштита на тајната служба
- Објавена фотографија од Жељко Самарџиќ стара 40 години: Погледнете како изгледаше тогаш пејачот
– Имаме нов инвестициски план и тој функционира многу добро. Ако функционира за земјите-членки на ЕУ, ќе функционира и за земјите од Западен Балкан. Овој план има потенцијал да го удвои вашиот приход во рок од една деценија. Сите овие успеси можат да се постигнат само доколку Косово и Србија ги нормализираат односите. Косово мора да го прифати нацртот за Заедницата, додека Србија мора да прифати де факто признавање. Ова е единствениот начин да се оди напред, изјави фон дер Лајен.
По средбата со Османи, фон дер Лајен беше примена од премиерот Албин Курти.
Претседателката на Европската комисија, која вчера во Скопје ја започна својата четиридневна турнеја низ Западен Балкан, по денешниот преестој во Косово, ќе ги посети и Црна Гора, Србија и Босна и Херцеговина.
Како што е најавено од Брисел, за време на посетата на главните градови на Западен Балкан, фон дер Лајен ќе ја претстави Инвестициската рамка за Западен Балкан, која е заедничка иницијатива на Европската Унија, финансиските институции и донаторите, насочена кон социо-економскиот развој и европската перспектива на земјите на Западен Балкан.
Инвестицискиот пакет планиран од Унијата за развој на регионот изнесува шест милијарди евра, од кои 2,1 милијарди евра грантови и четири милијарди евра кредити, со тоа што оваа помош за регионот ќе биде условена од степенот на спроведените реформи во секоја од земјите одделно.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.