Словенија деновиве ја погодија силни поплави. Ситуацијата во моментов се смирува, но многу реки во централниот, северниот и источниот дел на земјата се уште се излеваат. Покрај материјалната штета од поплавите и смртта на најмалку три лица, настрадаа и животни.
Интернетот беше преплавен со објави за изгубени животни, пронајдени и за изгубени и скитници по улиците. Нивните фотографии на Фејсбук страницата на хуманитарното здружение Хуманитарчек растажи многумина. Во коментарите под објавите се јавија бројни луѓе кои им понудија сместување на несреќните животни додека нивните семејства не го најдат патот.
Прифатниот центар Љубљана во оваа прилика објави совети за справување со домашни миленици во екстремни случаи како што се поплави. Тие напоменуваат дека домашните миленици треба да се чуваат во затворени простории за време на оваа ситуација, особено навечер.
Пронајдете не на следниве мрежи:
