Палестинската милитантна група Хамас соопшти дека истрелала ракети врз градови во јужен Израел како одговор на израелските масакри врз цивили во Газа.

Според израелската армија истрелани биле десетина ракети, но  повеќето биле успешно пресретнати. Израелскиот Канал 12 објави дека е извршен директен удар во јужниот град Ашкелон.

Израелските служби за итни случаи соопштија дека лекуваат едно лице од повреди предизвикани од шрапнели и дека  ги истражуваат местата каде се паднати ракети.

Првата фаза од примирјето меѓу Израел и Хамас стапи на сила на 19 јануари по 15 месеци војна. Воените дејствија беа прекинати, некои израелски заложници беа ослободени, додека Израел ослободи и неколку палестински затвореници. Меѓутоа, на 19 март израелските сили продолжија со копнените операции во централниот и јужниот дел на Газа.