Организаторите на Канскиот филмски фестивал годинава воведоа строги правила за облекување, а меѓу оние кои ги прекршија правилата беше и Хајди Клум.
Манекенката на свеченото отворање на фестивалот се појави во раскошен долг фустан и голем шлиц на ногата. Својот розов фустан кој наликува на цветни ливчиња со омбре ефект го искомбинира со сандали со сребрени потпетици.
Таа во комбинацијата додаде и сребрени обетки, а на црвениот тепих позираше со заводлива насмевка.
Клум синоќа присуствуваше на премиерата на филмот „Gone One Day“, а фустанот што го носеше беше од колекцијата „1001 season“ на модната куќа Elie Saab.
Манекенката зрачеше со самодоверба и шарм, иако едвај го чуваше горниот дел од фустанот да не и падне.
За потсетување, организаторите на Канскиот филмски фестивал забранија носење фустани со велови и обемни фустани, како и голотија, за да се обезбеди поголема пристојност на овој фестивал.
„Оваа година, Канскиот филмски фестивал постави одредени правила во својата повелба кои одамна важат. Целта не е нужно да се регулира облеката, туку да се забрани целосната голотија на црвениот тепих, во согласност со институционалната рамка на настанот и францускиот закон. Фестивалот го задржува правото да го забрани пристапот на лица чија облека може да го попречи движењето на другите гости или да го комплицираат седењето на филмовите.“
Пронајдете не на следниве мрежи:
