Белгиските детективи досега идентификувале 55 жени-жртви на сексуален напад од страна на 71-годишен стоматолог од областа Вилрајк во Антверпен. Мажот наводно има фетиш за грло и ги напаѓал пациентките додека биле под анестезија, пренесува ВРТ.

Истрагата започнала кон крајот на минатата година, по жалба од пациентка во која се вели дека по консултацијата останала со чудно чувство. Стоматологот наводно злоупотребил повеќе жени за време на „дезинфекција на грлото“, медицинска процедура што не постои, во неговата ординација во Вилрајк. Забарот работел и во болници во Лувен и Антверпен.

Полицијата извршила претрес во неговиот дом на почетокот на април, по што тој бил уапсен. На неговиот компјутер биле пронајдени снимки на кои детално се забележани неговите перверзии, пишуваат белгиските медиуми. Според обвинителството, случајот вклучува „фетишизам на грло“, односно сексуално возбудување од грлата на други луѓе.

Наводните напади датираат од 1998 година. Дел од жртвите обвинуваат и за анални и вагинални прегледи, допирање на гради и задник и вулгарни допири пред пациенти.

Некои пациентки биле третирани под целосна анестезија и стравуваат дека можеби биле нападнати додека биле во бессознание. Ова ќе биде дополнително истражено, најавуваат надлежните.

Стоматологот е во притвор, а тој идната недела треба да се појави пред судот, кој ќе одлучува за продолжување на мерката.