Јеменските Хути ја презедоа одговорноста за нападите извршени врз Израел синоќа, тврдејќи дека нивна цел бил аеродромот Бен Гурион во Тел Авив.Хутите тврдат дека „ракетата успеала да ја достигне целта и покрај дејствијата на непријателот, а операцијата резултирала со жртви и прекин на сообраќајот на аеродромот“.Од друга страна, израелските одбранбени сили (ИДФ) наведуваат дека израелската противвоздушна одбрана успешно го соборила проектилот, дека немало удар на аеродромот. Наводно, дојдовните летови доцнеле, но само 30 минути.Дополнително, Хутите тврдат дека извршиле напад со дрон врз „витална цел“ во областа Тел Авив. Меѓутоа, Израелците наведуваат дека во изминатиот ден немало извештаи за дронови кои стигнале до Израел од Јемен.

Хутите, исто така, велат дека целеле на товарен брод во Арапското Море со неколку беспилотни летала. Групата поддржана од Иран вети дека ќе продолжи со нападите врз Израел  „додека не престане агресијата врз Газа и не се укине опсадата“.