Како и остатокот од Европа, Чешка исто така се соочува со големи поплави, а околу 250.000 домаќинства во моментов се без струја.
Градот Крнов во Шлезија во моментов е 80 отсто под вода – најави заменик градоначалникот Мирослав Бинар.
Градот изгубил контрола над спасувачките екипи, ги нема доволно, а сите се на терен, пренесува Блик.
Од тој град бараат помош однадвор Реката Морава го поплави градот за само 10 минути
Градот Ханушовице во Чешка го затрупа вода за само 10 минути, евакуацијата не успеа.
– Пропадна браната против поплава, со овие зборови чешките медиуми ја пренесуваат катастрофата што ја снајде таа земја, кога циклонот Борис донесе огромен дожд, ветер и поплави од реките!
Центарот на Ханушовица е под вода – заедно со речиси 3.000 жители. Реката Морава стигна многу брзо, затоа градоначалникот во првиот момент забрани евакуација. Пожарникарите пристигнаа во попладневните часови и почнаа да ги спасуваат локалните жители. Екстремно брзиот пораст на нивото на водата најверојатно е предизвикан од брана од поплави која не можела да го издржи притисокот на водата!
– Се стигна за десет минути, нивото на реката Морава порасна за околу еден метар – изјави градоначалникот Марек Костка. Надлежните во општината забранија евакуација, ситуацијата е опасна не само за жителите, туку и за спасувачите.
– Луѓето да останат на повисоките катови и да чекаат дополнителни инструкции – додаде градоначалникот.
Под вода беше и градот Клодско во Полска.
