Носачот на авиони „Шарл де Гол“ две недели ќе биде ставен под директна команда на НАТО, што е првпат во историјата.
Со оваа формација, со три илјади маринци, од 26 април до 10 мај ќе командува американски адмирал, во рамките на тактичкиот штаб на Strikeforce NATO, специјализиран за операции во Медитеранот, чие седиште е во Лисабон, Португалија.
Официјален Париз го гледа овој ангажман како симбол на зајакната соработка со НАТО против руската закана. Француското Министерство за армија соопшти дека мисијата ќе овозможи зајакнување на силите за колективна одбрана и одвраќање и ќе придонесе за регионалната стабилност. Од руската инвазија на Украина, НАТО го зголеми присуството на поморските сили во Европа.
Меѓутоа, тоа воопшто не им се допадна ниту на екстремните левичари, ниту на национал-десничарите. Следеше голема полемика.
- Тага. Ова го истакнува вазалството – рече лидерот на Непокорните, Жан-Лук Меланшон.
Слично размислуваат и политичарите од другата политичка крајност.
– Единствен француски носач на авиони под команда на НАТО: ова се последиците од политиката на напуштање на суверенитетот со Макрон – нагласи портпаролот на Националното собрание, Жан-Лен Лакапел.
Ова не е првпат „Шарл де Гол“ да настапува во вежби и операции на НАТО, но досега секогаш беше под национална контрола.
- Франција никогаш не ја губи командата со своите сили ставени под знамето на НАТО. Ние сме суверени – францускиот министер за армија Себастиен Лекорни се обиде да ги смири критичарите.
Западните сојузници започнаа обемна воена мисија во водите на Медитеранот, во која учествува и „Шарл де Гол“. Наречен „Аквила“, односно „Орел“ по фонетската транскрипција од латински, се вклопува, како што истакнаа организаторите, во логиката на обезбедување на мандатот на НАТО, кој ја обезбедува безбедноста на земјите-членки преку политика на одвраќање. Станува збор за испраќање своевидна порака до Русија во сегашната ситуација.
- Станува збор за заедничка посветеност за зајакнување на соработката и обезбедување компатибилност – изјави портпаролката на НАТО Фара Далала.
„Акила“ ќе трае шест недели, а започна со полетување на бродовите оваа недела од нивните матични пристаништа. „Шарл де Гол“ исплови од Тулон. Во мисијата учествуваат фрегати од петнаесет земји, меѓу кои САД, Франција, Грција, Шпанија, Италија и Португалија.
Пронајдете не на следниве мрежи:
