Кога ќе го направите филот од афион и гриз и ќе го покриете со домашни кори, ќе ја добиете највкусната шварц-пита. Шварц пита е слоевита пита со афион и меки кори. Подготовката не е комплицирана, секој може да ја направи.
Филот е направен од семе од афион (мак), млеко и гриз и е толку сочен, особено кога ќе се намачка на корите што се топат во уста, при секој залак. Оваа слатка пита можете да ја подготвите кога имате гости, кога сакате да јадете нешто слатко, но и за свечени прослави. Еве што ви е потребно:
ПОТРЕБНИ СОСТОЈКИ ЗА ТЕСТОТО: 560 г брашно, 1 лажица шеќер, 120 мл масло, 25 г квасец, 180 мл вода, 140 мл млеко, 1 лажичка сол, 20 г ванилин шеќер. ЗА ФИЛОТ: 160 мл млеко, 150 г мелено семе од афион (мак), 11 лажици шеќер, 4 лажици гриз. ЗА ПРЕМАЧКУВАЊЕ: маргарин што може да се мачка лесно.
ПОСТАПКА: Издробете го квасецот во топлото млеко, не треба да биде зовриено. Малку промешајте со жица/маталка, а потоа додајте 1 лажица шеќер и 1 лажица брашно од вкупната количина. Добро измешајте и оставете го квасецот да се активира, неколку минути, додека да набубри.
ЗА ФИЛОТ: Ставете го млекото да зоврие во тенџере на рингла, вклучена на средна температура. Во зовриеното млеко ставете ги афионот, шеќерот и гризот, убаво измешајте и оставете ги настрана. Треба да се формира фина смеса. Потоа повторно преминете на тестото.
Потоа во активираниот квасец додајте масло и млака вода, измешајте, па додајте ванилин шеќер и повторно измешајте. Посолете го брашното и постепено додавајте го просеаното брашно во активираниот квасец, додека го замесувате тестото.
Замесете мазно тесто. Тестото не треба да отстојува, туку веднаш поделете го на 9 еднакви делови од по приближно 98 грама. Од секој дел, обликувајте топчиња, малку подмачкајте ги и оставете ги покриени да одморат околу 20-тина минути. За тоа време малку ќе нараснат.
Со помош на оклагија, замесете 3 топчиња со големина на мала чинија и наредете ги едно врз друго. Секој дел по малку подмачкајте го со маргарин, освен третото развлечено тесто, него наросете го со малку брашно.
Направете го истото со преостанатите топчиња. Сложувате три, едно врз друго. Така ќе добиете 3 еднакви кори. Овој процес нема да ви одземе многу време, бидејќи тестата кои се развлекуваат не се многу големи. Покријте ги корите и оставете да отстојат 15 минути.
Растегнете ги корите со големина на плех 32х25 см и првата кора ставете ја во плех обложен со хартија за печење. Одозгора распоредете една третина од филот, па ставете ја втората кора, премачкајте со втората третина фил и поклопете со третата кора, која ја премачкувате со преостанатиот фил.
Оставете питата на овој начин да отстои околу 10-тина минути. Потоа вклучете ја рерната да се загрее на 180°C, околу 25-30 минути. Премачкајте со маргарин по печењето и оставете да се излади целосно. Оладете ја питата, по желба прелијте чоколадна глазура, па послужете. / Сoolinarka.сom
