Шведската морнарица објави дека вчера вооружени лица во униформа биле видени на бродови поврзани со таканаречената руска „флота во сенка“.
Москва го зајакнува своето воено присуство по должината на клучните бродски рути во Балтичкото Море, објави „themoscowtimes“ .
Марко Петковиќ, командант на операциите на шведската морнарица, за шведската телевизија СВТ изјави дека лицата веројатно биле вработени во приватни компании за обезбедување.
Тој додаде дека руската поморска активност во регионот станала „постојана и повидлива“, со воени бродови кои редовно дејствуваат во стратешките области на Балтичкото Море и Финскиот Залив.
„Руската морнарица периодично е присутна на разни јазли во Балтичкото Море, во Финскиот Залив и во Балтичкото Море, и се чини дека таму некако делува како поддршка за оваа тајна флота“, рече Петковиќ.
Воени извори цитирани од СВТ изјавија дека руските акции се фокусирани на тековната патролна операција во близина на главните морски патишта, спроведена од Балтичката флота.
The post Шведска морнарица: Русите почнаа да вооружуваат танкери што шверцуваат нафта од Русија appeared first on Во Центар.
