Нов случај на бруталност на Центарот за социјална работа- ЦСР Охрид:

Пред околу 6 години една прекрасна жена од Охрид, откако остана сама по разводот, наместо да ужива во животот на сингл дама, се определи за една хумана мисија: згрижи дете преку ЦСР Охрид. Сите и се воодушевувавме на хуманоста и несебичноста. Детето тогаш имаше 5-6 години и потекнуваше од социјално загрозено семејство кое го дало во дом. Хуманата жена и детето многу брзо се зближија и си воспоставија прекрасен однос. Жената му пружаше многу: помош во училишните обврски, спортски активности, други активности надвор од школо, родендени и се што му треба на едно дете за да се чувствува среќно. И детето беше среќно, но и многу свесно за она што му го пружаше неговата згрижувачка, беше многу благодарно. Ја викаше МАМО иако жената тоа не му го наметнуваше, многу се засакаа.

Меѓутоа, кога ќе наидат на жена со интегритет, вработените во ЦСР почнуваат да се однесуваат како да им паднала в раце и почнуваат со спроведување планови за да и го уништат животот. Ова го знам и од лично искуство. Почнаа да ја девалвираат, да и пронаоѓаат нереални пропусти, со еден збор спроведоа хајка против жената. И се заканија дека ќе и го одземат детето и на крај тоа го спроведоа. И го одзеле и го доделиле на друга жена згрижувачка во Кичево!

Во четвртокот, 27.03.2025, бидејќи не ги нашле дома, извршители од ЦСР влегле во школото каде што учи и оттаму насилно го зеле детето. Претходно, кога од ЦСР ги контактирале, од училиштето ги замолиле да почекаат барем да заврши школската година за детето да не трпи голем стрес и траума. Од Цср биле неумоливи. Кога го земале, сите деца од неговиот клас почнале да плачат, плачел и син ми кој е во друга паралелка. Плачеле и учителките. Само извршителите се смееле.

Потоа извршителите од ЦСР го одвеле детето дома му за да си ги земе работите, каде тие спровеле бруталност и врз неговата згрижувачка. Детето почнало да снима и да објавува во некоја школска група викајќи: овие многу и викаат на мама! Некој нека дојде да и помогне на МАМА!

Како изникнаа овие сурови луѓе меѓу нас? Зошто и го прават ова на жената кажав дека знам. Но зошто му го прават ова на ДЕТЕТО? На ДЕЦАТА?