Од почетокот на контраофанзивата, на 4 јуни, украинските војници изгубиле околу 2.500 единици различно оружје на сите линии на фронтот, изјави денеска рускиот министер за одбрана Сергеј Шојгу.
– Само во правец на Јужен Доњецк, Запорожје и Доњецк, каде што вооружените сили на Украина неуспешно напаѓаат, уништени се 15 авиони, три хеликоптери, 920 оклопни возила, меѓу кои и 16 тенкови „леопард“ – рече министерот.

Според него, тенковите „леопард“ генерално не ги постигнале своите цели на ниту едно поле на дејствување на Вооружените сили на Украина, а тоа сведочи за умешноста на руските војници и „очигледно надуените очекувања од пофалното западно оружје“.

Тој откри и колку проектили од западно производство се уништени од руските сили досега.

• Руската противвоздушна одбрана пресретна 158 ракети ХИМАРС, 25 крстосувачки ракети „Сторм сенка“ и 386 беспилотни летала во текот на изминатиот месец – рече Шојгу.

Рускиот министер за одбрана вели дека руската војска продолжува да нанесува ефективна огнена штета на непријателот, што значително го намалува неговиот офанзивен потенцијал.

Без оглед на значителните загуби, украинското раководство бара од командата на вооружените сили на Украина да ја продолжат офанзивата, рече Шојгу и објасни дека Западот ги принудува на тоа.

• Киев се обидува да надомести за неуспесите на фронтот и некако да обезбеди успех и затоа прибегнува кон терористички напади врз цивилни цели, рече тој и додаде дека тоа го прават и за пропаганда. Меѓутоа, со професионални акции, руските војници ги намалуваат загубите кај цивилното население и спасуваат стотици животи – рече Шојгу.

Плановите за дестабилизација на Русија во вооружен бунт на 23 и 24 јуни пропаднаа бидејќи војниците на вооружените сили останаа лојални на својата заклетва и воената должност, истакна рускиот министер.

Во исто време, провокацијата не влијаеше на акциите на воените групи. Војниците храбро и несебично продолжија да ги решаваат поставените задачи“, посочи тој.