Шри Ланка планира да поднесе официјална апликација за приклучување кон БРИКС на самитот во Казањ и веќе испрати барање до земјите-членки на асоцијацијата да го поддржат нејзиното членство, изјави министерката за надворешни работи на Шри Ланка, Виџита Херат.

Според неа, новиот претседател на државата, Анура Кумара Дисанајаке лично нема да може да учествува на самитот на БРИКС во Казањ поради претстојните парламентарни избори во земјата.
„Заменик-министерот за надворешни работи ќе ја претставува Шри Ланка и формално ќе поднесе барање за членство“, рече Херат, без да го именува заменикот кој ќе отпатува за Казањ.