Двајца жители на Штип добија кривична пријава за загрозување на сигурноста, откако во суд во градот им се заканувале на тројца полицајци, соопшти МВР.

„СВР Штип поднесе кривична пријава против Р.Д.(58) и Н.Р.(37), двајцата од Штип, поради постоење основи на сомнение за сторено кривично дело „загрозување на сигурноста“. На 11.11.2024 во просториите на Основен суд Штип, првопријавениот упатил закани кон полициски службеник од Отсек за недозволена трговија со дрога и оружје во СВР Штип, а подоцна во дворот на судот, пријавените упатиле закани кон двајца полициски службеници кои извршувале службени дејствија“, пишува во полицискиот билтен.