Иако на памет ви паѓаат одговори од типот на електролити, спортски енергизирачки пијалаци или хранливи шејкови, одговорот е далеку поедноставен од што замислувате.
Според едно опширно истражување во кое биле вклучени медицински школи од Канада и Иран, најдобар пијалак за после вежбање е чоколадното млеко.
Благодарение на него, надоместувате млечни киселини, шеќери, протеини, масти и електролити, многу поефикасно отколку кој било спортски пијалак.
Една чаша чоколадно млеко по вежбање ќе воспостави правилен ритам на работата на срцето, кое поради тренингот чука забрзано.
За време на изработувањето на студијата биле набљудувани 150 учесници кои пиеле чоколадно млеко по тренинг. Нив им биле контролирани параметри како пулсот, уморот и количините млечна киселина во телото.
Кај сите било забележано дека побрзо им се враќа енергијата и дека полесно се ослободуваат од уморот.
Причините зошто тоа се случува треба дополнително да се истражуваат, но првичната претпоставка е дека сè се должи на комбинацијата на протеини, шеќери, млечни масти, електролити и одредени витамини. И што е најважно, чоколадното млеко е далеку поевтина опција отколку специјалните комерцијални спортски пијалаци.
Но, чоколадното млеко не е единствено кое помага во овие ситуации. Можете да се обидете и со бистра топла супа со тестенини. Ќе добиете сличен ефект.
Она што не смеете да го заборавите е да пиете доволно вода за да надоместите за изгубената течност преку потењето за време на тренингот.
