Можеби се сметате за врвен љубовник, но има неколку работи што мажите ги прават за време на секс што жените навистина не ги сакаат. Колку и да одело сѐ супер, после некој од овие потези таа може да ја изгуби желбата за секс.
Секоја двојка е различна и сите нѐ вобудуваат ралични работи, но повеќето жени кажале дека овие потези на мажите навистина им пречат. Комуникацијата е најважна во врската, особено во сексот, па ако забележите промена на расположението кај партнерката за време на сексот, прашајте ја што правите погрешно.
Очекувате таа да прави сѐ кога е одозгора
Во оваа поза жената ја има поактивната улога и е изложена на вашите погледи. Ако е малку понесигурна, може да ја инхибира желбата за секс или да се откаже од акцијата ако мажот само лежи и не прави ништо додека таа се труди. Ако вие не реагирате, нема никогаш да се опушти целосно во оваа поза, а тоа не е добро за никого. Оваа поза значи дека рацете ви се слободни за допири, а не е лошо и вербално да покажете колку ви е убаво.
Одбивате да користите кондом
Жените генерално полесно „закачуваат“ сексуално преносливи болести во споредба со мажите, но и да не е така, безбедниот секс е секогаш на прво место, особено ако партнерот или партнерката го бара тоа. Кондомите исто така штитат од бременост, а жената е таа која останува бремена, така што незаштитениот однос ќе ѝ остави огромна доза на сомнеж „дали нешто се случило“ иако сте биле внимателни.
Преагресивна стимулација
Добивате поени што сте сфатиле дека стимулацијата на клиторисот е важен дел од сексот и еден од најдобрите начини за жената да доживее оргазам. Меѓутоа, ви се одземаат поени ако не сте сфатиле дека тој дел е особено чувствителен и не треба да го нападнете, туку да го откриете. Тоа што сакате и практикувате орален секс и петинг не е доволно за жената да постигне оргазам, треба и да се потрудите.
Кога сме кај орален секс, уште една работа што жените не ја сакаат: кога им ја туркате главата надолу кога тие ве задоволуваат. Насоки и охрабрување се сосема ок, но оставете ја сама да одлучи колку длабоко сака да оди.
Ја прескокнувате предиграта
Ок, секој сака секс на брзинка одвреме-навреме, но кога атмосферата укажува дека ова ќе биде подолга сесија, не брзајте. Пет минути бакнување не е предигра. Понекогаш на женското тело му треба повеќе време да се подготви за сексуалниот чин. Бидете нежни и трпеливи и верувајте, чекањето ќе вреди кога таа ќе биде подготвена.
Сексот не е маратон
Кој не сака уживањето да потрае? Но, понекогаш трае предолго. Ако само форсирате „минутажа“ без некаков квалитет, сексот станува здодевен, а некогаш и болен за жената. Најдете ја вашата златна средина со партнерката, усогласете го интензитетот, брзината и траењето и комуницирајте. Исто така, не форсирајте оргазам кај жената. Понекогаш тоа нема да се случи и ако таа е ок со тоа, бидете и вие. Оставете го егото надвор од спалната соба.
