Сигурно сте слушнале дека реткото уживање под чаршафите лошо влијае на вашето физичко и психичко здравје, но колку има вистина во тоа?
Редовниот сексуален однос може да има здравствени придобивки, пишувале „Medical News Today“, на пример, за кардиоваскуларниот систем.
Сепак, не постои одреден број на односи кој се препорачува, нити пак има докази дека целибатот има видливи негативни последици, како што луѓето најчесто стравуваат.
Колку често ќе бидеме интимни со некого варира во зависност од емоционалниот статус, флуктуациите на сексуалното нагон, во зависност од возраста итн. Многу луѓе уживаат во исполнет и задоволувачки живот и без овие активности.
Дали целибатот влијае на физичкото здравје?
Доколку некој немал сексуални односи подолго време, веројатноста дека ќе доживее некакви физички здравствени проблеми е скоро непостоечка, бидејќи не постојат докази дека нешто значајно се менува во организмот за време на целибатот.
Сепак, истражувањата покажале дека редовната сексуална активност може да биде корисна за елиминирање на стресот. Меѓутоа, слични резултати се јавуваат и по самозадоволувањето, односно мастурбацијата.
За мажите, почестата ејакулација може да биде корисна, без оглед на тоа дали задоволството доаѓа со партнерката или сам. Студија од 2016 година покажала дека мажите кои ејакулирале најмалку 21 пати месечно, имале помал ризик од рак на простатата од оние кои ејакулирале 4-7 пати месечно.
Што се однесува до жените, честата сексуална активност, со партнерот или за време на мастурбација, може да ги зајакне мускулите на карличното дно, пишувале „The Science Times“, а станува збор за мускули кои го поддржуваат мочниот меур, што дополнително ја подобрува неговата функција и ја намалува уринарната инконтиненција.
Честопати слушаме дека недостатокот на сексуален живот му штети на имунолошкиот систем, што е многу храбра теза, а чија веродостојност ја истражувала студија од 2017 година, објавена во медицинскиот магазин „Archives of Sexual Behavior“.
Во истражувањето учествувале 17.744 луѓе, чии активности во креветот биле следени, при што било утврдено дека речиси секој шести маж и секоја четврта жена немале односи повеќе од една година, додека голем број учесници изјавиле дека немале секс пет години или подолго. Сепак, научниците не откриле разлика во нивото на среќа и физичко здравје на луѓето кои имаат редовни односи и оние кои воопшто ги немаат.
Дали целибатот влијае на менталното здравје?
Широко распространето е верувањето дека редовните односи се важен дел од емоционалната благосостојба. Иако ова важи за одредени луѓе, тоа не е случај за сите.
Постојат случаи кога сексуалната апстиненција е ненамерна, па некои луѓе можат да почувствуваат негативни ефекти врз нивното ментално здравје, додека за други апстиненцијата е корисна бидејќи се асексуални, имаат пониско либидо или поради која било друга причина не сакаат да се впуштат во такви активности.
Едно е сигурно, потребни се повеќе истражувања за конечно да се добие релевантен одговор на ова прашање.
