Дали ќе се појави повторно?
Иако не е сосема јасно зошто змијата изумрела, промената на температурата веројатно одиграла важна улога. Намалувањето на пространоста на прашумата го отежнало ловот на овие предатори чиј дом биле реките, а тоа довело до нејзино пропаѓање.
„Веруваме дека титанобоата достигнала оваа големина поради потоплото време што преовладувало на екваторот по времето на диносаурусите. Како што се зголемува температурата, постои можност повторно да се појави титанобоа, но за тоа е потребно одредено геолошко време.
Односно, период од еден милион години во кој е многу веројатно повторно да се појави ваква гигантска змија“, вели др. Карлос Јарамило, научник од Институтот за тропски истражувања Смитсонијан кој учествувал во откривањето на Титанобоа.
Ако ги погледнете ладнокрвните животни и нивната дистрибуција на планетата денес, големите се наоѓаат во тропските предели, каде што е најтопло, а стануваат се помали како што се оддалечуваме од екваторот. Врз основа на големината на змијата, научниците пресметале дека просечната температура на екваторот на Јужна Америка пред 60 милиони години била околу 10 степени Целзиусови потопла од денес.
Пронајдете не на следниве мрежи:
