Јадењето едно авокадо и една чаша манго дневно може да помогне во одржувањето на здравјето на срцето и да го одложи развојот на дијабетес тип 2, сугерира нова студија. Студијата покажа дека возрасните со предијабетес кои редовно ја консумирале комбинацијата осум недели доживеале подобрувања во функцијата на крвните садови и дијастолниот крвен притисок, важни индикатори за кардиоваскуларното здравје.
„Ова е охрабрувачка порака: малите, хранливи додатоци во вашата исхрана, како што се авокадото и мангото во оброците и ужините, можат да придонесат за здравјето на срцето без потреба од строги правила или големи промени во исхраната“, вели д-р Брит Бартон-Фриман, професор на Технолошкиот институт во Илиноис во САД.
Како беше спроведено истражувањето
Во студијата учествувале 82 здрави возрасни лица кои имале прекумерна тежина или се дебели, но без сериозни хронични заболувања. Учесниците биле поделени во две групи. Едната група консумирала едно средно големо авокадо Хас и една порција свежо манго дневно, додека другата група се хранела со контролна диета.
Подобрување на здравјето без зголемување на телесната тежина
Мангото е добар извор на растителни влакна и витамин Ц, додека авокадото е познато по својата висока содржина на растителни влакна и здрави масти. Групата што ја консумирала оваа комбинација од овошје забележала значителни подобрувања во функцијата на крвните садови и други индикатори за здравјето на крвните садови.
Исто така, го зголемил внесот на влакна, витамин Ц и мононезаситени масти, кои се поврзани со здравјето на срцето и крвните садови, сето тоа без зголемување на телесната тежина или вкупниот внес на калории. Мажите кои консумирале авокадо и манго, исто така, доживеале мало намалување на крвниот притисок.
Заклучок на научниците
„Додавањето на едно авокадо и една чаша манго дневно ги намалува факторите на ризик во исхраната и ги подобрува маркерите за васкуларно здравје, нудејќи практична стратегија за подобрување на кардиоваскуларните исходи преку промени во животниот стил“, напишаа истражувачите во Journal of the American Heart Association.
„Ова истражување ја потврдува моќта на стратегиите за исхрана во намалувањето на ризикот од кардиоваскуларни заболувања, особено кај ранливи групи како што се оние со предијабетес“, заклучи д-р Бартон-Фриман.
The post Јадењето на овие две овошја може да го подобри здравјето на срцето и да спречи дијабетес appeared first on Во Центар.
