По поразот од екипата на Малага на гостински терен во рамките од 17-тото коло од Примера Дивизија, односно популарната Ла Лига, шпанските медиуми ги анализираат недостатоците на Реал Мадрид на овој натпревар, а топ-тема е секако изоставувањето на Икер Касиљас од стартната постава.

Касиљас прв пат во последните 10 години е изоставен од стартната постава на Реал Мадрид, не сметајќи ги секако натпреварите каде тој бил повреден.

„Бевме изненадени, Икер е наш капитен. Но, ние не одлучивме во однос на таа постапка и мораме да ја прифатиме таа одлука. Беше тоа големо изненадување за нас, бидејќи е необично за Икер да седи на клупата. Тој е предводник во нашата соблекувална и наш клучен играч“ изјави Серхио Рамос.

Жозе Мурињо премногу тактизираше со позициите на своите играчи. Есиен е на позицијата десен-бек за што многумина му упатија критики.

„Кога резултатот не е во ваша полза морате да се обидете да тактизирате и за некои позиции“ изјави Рамос.

Copyright 2012 Puls24 Сите права се задржани. Текстот не смее да се печати или емитува, во целина или во делови без договор со Puls24.