Ројтерс пренесува дека бразилскиот биолог Андре Емесио открил нов вид пчели и го нарекол „Базинга“.

Идејата дошла оттаму што пчелата имала доста сличности со другите видови и му задавала потешкотии на биологот во обидот да го дефинира видот.

Тоа го потсетило на Шелдон Купер, дефинитивно најомилениот и најкомичниот лик од серијата „The Big Bang Theory“ кај нас позната како „Бубалици“, кој е паметен и смешен лик, но со своите долги реплики многу често знае да не збуни. Со оглед на тоа дека неговиот најкористен збор е „базинга“ биологот одлучил токму тоа да е името на новооткриениот вид пчели.

Името „Еуглоса базинга“ наиде на позитивен прием кај актерската и продуцентската екипа на оваа серија, а Шелдон (Џим Парсонс) е поласкан од ваквата идеја на Андре Емесио.

Инаку оваа серија е една од најгледаните во светот. Една нејзина епизода ја гледаат просечно околу 18 милиони луѓе. 

Парсонс за улогата на Шелдон Купер има добиено две „Еми“ награди.