Две лица загинаа, а седуммина се повредени, во директен судар на возило за поддршка на Релито Дакар и такси возило. Несреќата се случила во близина на перуанско-чилеанската граница, соопшти организаторот на трката.Животите ги загубиле лицата кои се наоѓале во такси возилото, додека од седуммината повредени четворица се перуански државјани.

До трагичната несреќа дошло по завршувањето на петтата етапа, која се возеше од Арекипа во Перу до Арика во Чиле.

Во трката која е долга 8.400 километри, а која по петти пат се одржува во Јужна Америка, учествуваат 459 возила. Оваа година за безбедноста на трката се грижат 150 луѓе, како и тим од 60 доктори и хирурзи, кои имаат поддршка од пет хеликоптери и десет медицински возила.

Во досегашната, 34-годишна  историја на Релито Дакар, загинале 59 луѓе, од кои 20 биле гледачи.