Стојан Стојановиќ (69) го убил Драган Степиќ (57) во 2016 година на сред улица во Пожаревац, сметајќи дека на овој начин му се одмаздува на својот син.
„Беше прашање на ден кога Стојан ќе му се одмазди на својот син. Повеќе од 14 години живееше до желба да го казни виновникот. Не вредеше што беше во затвор затоа што му се закануваше на Драган“, велеа познаниците на Стојановиќ на времето.
Според очевидци, Степиќ порано работел во „Роуд компани“ како надзорник на градилиштето каде во 2002 година бил убиен синот на Стојан.
„Приватната фирма на Степиќ вршеше работи на градилиштето во улицата Југовиќева. Стојан му пришол на Степиќ и без збор испукал еден куршум во него. Степиќ бил тешко ранет и веднаш бил пренесен во болницата во Пожаревац, каде починал, а напаѓачот бил веднаш уапсен Стојан не побегнал, Смирено ја чекал полицијата на местото на злосторството“, изјавил тогаш извор од истрагата.
Мештаните велат дека Стојан не можел да ја преболи смртта на синот.
„Неговиот син загинал на градилиштето во селото Забрега кога земјата паднала врз него и го затрупала. Ровот бил длабок три метри и не бил добро обезбеден. Во тоа време Степиќ бил одговорно лице и надзор на работите. По трагедијата, Стојан се заканувал дека ќе го убие Степиќ за одмазда, а полицијата неколку пати му го одземала оружјето. Тој сметал дека Степиќ е одговорен за смртта на неговиот син. Се плашевме дека ќе ги исполни своите закани. За жал, тоа е она што се случи“, изјави тогаш еден од очевидците.
За потсетување, по несреќата во 2002 година во која загина синот на Стојан на градилиштето, Драган Степиќ е осуден на шест месеци затвор како одговорно лице, со оглед дека компанијата не изведува работи длабоки над еден метар а дупката во Дупката во која загина младиот човек беше длабока три метри.
Стојан помина шест месеци во затвор поради закани кон Степиќ.
Пронајдете не на следниве мрежи:
