Квалитетниот сон ни е навистина потребен. Обично вечерите сакаме да ги поминуваме помирно, но често постојано се случува нешто ново што треба да се заврши или направи. Како последица на тоа и сонот ни е нарушен. Пред спиење дремеме на социјалните мрежи и често заглавуваме и легнуваме многу подоцна од планираното.
Во прилог се 5 работи и совети кои можете да ги примените пред спиење и кои ќе ве направат попродуктивни наутро.
1 . Планираат за утрешниот ден
Наместо утредента да трчаат и да губат време во планирање како што тече денот, успешните луѓе планираат однапред што ќе прават наредниот ден. Тоа е одличен метод кој ќе ви помогне утрото да ви биде посмирено и да можете барем првото кафе да го испиете на раат.
2. Поминуваат време со семејството
Успешните луѓе ја знаат вредноста на семејството и знаат дека нема ништо поважно од тоа. Токму заради тоа што дневните обврски го прават животот хаотичен, вечерните часови ги поминуваат со најблиските.
3. Читаат книги
Сите успешни луѓе читаат книги пред заспивање. Една од главните поволности е што читањето значително го намалува стресот. Истражувањата покажале дека се доволни 5 минути читање за да се намали стресот за цели 68%.
4. Ги запишуваат своите мисли
Поради динамиката на животот и хаосот во којшто запаѓаме, логично следува и дека мислите ни стануваат хаотични. Затоа, најубаво е да ги запишувате вашите мисли, тоа е одлична терапија за пред спиење. Плус така нема да можете да заборавите ништо.
5. Размислуваат позитивно
Наместо негативни мисли и грижи за тоа што може да тргне погрешно, успешните луѓе размислуваат позитивно, во насока на тоа што можат да направат и како можат да се подобрат. Следете го и вие нивниот пример.
