Дејвис куп репрезентацијата на Шпанија се наоѓа на чекор до пласман во финалето на ова натпреварување, откако по првиот ден, од полуфиналната пресметка, води со 2:0 против САД.

Во одсуство на Рафа Надал, најдобро рангираниот шпански тенисер Давид Ферер го победи Сем Квери со 3:1 (4:6, 6:2, 6:2, 6:4), додека Николас Алмагро по голема борба со Џон Изнер им го донесе вториот поен на Шпанците. Алмагро во маратонски меч победи со 3:2 (6:4, 4:6, 6:4, 3:6, 7:5). 

Во сабота на програмата е дубл мечот Гранољес и Лопез за протвници ќе ги имаат браќата Брајан. 

Во второто полуфинале помеѓу Аргентина и Чешка резултатот е 1:1. Хуан Мартин дел Потро лесно го доби дуелот со Радек Штепанек 6:4, 6:4, 6:2, додека Хуан Монако по голема борба загуби од најдобриот чешки тенисер Томаш Бердих со 2:3. 

Макфакс