„Како никој досега имам намера следната година да го предизвикам Усеин Болт“, рече Јохан Блејк, вториот најбрз спринтер на светот.

Сонародникот на Болт, најави дека наскоро тој ќе биде број 1 во спринтерските дисциплини. 

„Доминацијата на Болт нема да трае долго, мојата ’глад’ за победи е многу поголема“, изјавил Блејк. 

„Во Лондон ме фати паника, поради тоа последните 40 метри не ги трчав според планираното. Но на Светските првенства во Москва и три години подоцна во Пекинг, како и на олимпијадата во Рио, ќе го земам тоа што ми припаѓа“, самоуверен е сонародникот на Болт. 

Блејк за момент ја прекина доминацијата на Болт на националните квалификации за пласман на Олимписките игри во Лондон, тој тогаш победи на трките на 100 и 200 метри. Болт возврати на Олимпијадата кога без проблем ги одбрани титулите во овие дисциплини, освоени на претходните Игри во Пекинг.

Макфакс