Директорот на трките во Формула 1, Чарли Витинг не штедел пофални зборови за патеката во Остин и дал зелено светло за одржување на трката за Големата награда на САД.

Патеката во Остин добила највисоки оценки и истата, која е претпоследна во календарот на Формула 1, ќе биде одржана на 18. ноември. 

„Она што го видов е апсолутно првокласно, а напредокот кој е постигнат, од мојата последна посета во јуни, навистина е чудесен“, изјавил Витинг, дополнувајќи дека Формула 1 од оваа патека ќе го добие токму она што го очекува. 

Првиот човек на трките во Формула 1 нагласил дека во три до четири кривини е можно претекнување.

„Кривината број еден е неверојатна. Тоa е единствениот збор на кој можам да се сетам. Убеден сум дека и возачите ќе го помислат истото кога ќе дојдат тука““, рече Витинг. 

Последната посета на патеката во Остин ќе ја има на 12. ноември.

Макфакс