Еден од најдобрите кошаркари на денешницата, Коби Брајант, по истекот на актуелниот договор со ЛА Лејкерс, планира да се пензионира.

„Веројатно ќе ја завршам кариерата кога ќе ми заврши договорот. Ќе биде тешко со 36 години да играм на бековската позиција и да го држам високиот ритам што од година во година го наметнуваат младите играчи. Ќе треба многу повеќе време да минувам во теретана и повеќе да тренирам за да останам здрав и да бидам во форма“, изјавил Брајант, дополнувајќи дека по две години можеби да ја продолжи кариерата. 

„Никогаш не можете да знаете. Со самодовербата која ја имам не можам со сигурност да кажам дека за две години ќе заминам во пензија“.

Макфакс