Ракометарките на Жито Прилеп, викендов ќе ги одиграат двата меча против шведскиот Лундагард во рамките на второто коло, во Купот на победниците на куповите.

„Лундагард е екипа која е составена од квалитетни ракометарки, имаат четири јуниорски репрезентативки и неколку интернационалки. Главно оружје им е зоната 6-0 од која брзо се трансформираат во нападот. Носители на играта се средниот бек Еба Енгдал и левиот бек Ванеска Телемарк. Ние треба да играме трпеливо и дисциплинирано во нападот и ќе мора да ја затвориме Егдал која е нивниот главен играч“, вели тренерот на Жито Прилеп, Борче Маркоски.  Победникот од овој двомеч, во следната рунда ќе игра против Париз хандбал.
 
Макфакс