5 одлични рецепти без масло за оние кои постат

Веќе започна Велигденскиот пост, најдолгиот од сите четири постa на православните христијани. Овој пост трае 48 денови и се смета за најстрогиот во годината. Во текот на овие 48 денови, храната се подготвува само на вода, без масти и масло. За време на викенди, дозволено е консумирање храна направена со масло. Доколку оваа година одлучивте да постите, имаме неколку одлични рецепти за вас.
1. Крем чорба од спанаќ
Потребни состојки:
1 главица кромид
2 чешниња лук
3 компири
400 грама спанаќ
1 морков
1 пашканат
Сол и бибер
Магдонос

S

Начин на подготовка:
Исчистете го зеленчукот и исечкајте го во големо тенџере. Додајте вода колку да го прекриете зеленчукот и гответе околу половина час. Потоа изблендирајте го сварениот зеленчук, додајте малку вода и зачинете.
2. Рижото со зеленчук
Потребни состојки:
150 грама грашок
150 грама моркови
150 грама пченка
Околу 180 грама бел ориз
Сол и бибер
Свеж магдонос
Куркума (по желба)
Начин на подготовка:
Сварете го зеленчукот во малку вода, па кога ќе биде речиси готов додајте го добро измиениот ориз. Оставете да се вари 10-тина минути, а потоа тргнете го тенџерето од шпоретот. Додајте сол, бибер и свеж магдонос и добро промешајте. Доколку сакате, можете да додадете и куркума


3. Шпагети во сос од домати
Потребни состојки:
Доматен сос (може и свеж домат)
2 моркови
1 главица кромид
1 чешне лук
Сол и бибер
Оригано
1 пакување тестенини
Начин на подготовка:
Во малку вода динстајте ги лукот, кромидот и морковот. Пред водата да почне да врие, додајте го доматниот сос и зачинете. Во посебно тенџере сварете ги шпагетите „ал денте“. Потоа исцедете ја водата, додајте го сосот и добро промешајте.


4. Грав со вода
Потребни состојки:
1 главица кромид
2 чешниња лук
2 моркови
2 пашканати
300 грама бел грав
Сол и бибер
Ловоров лист
Начин на подготовка:
Потопете го гравот во вода, па оставете го на рингла да зоврие. Кога ќе зоврие, исцедете го и додајте нова чиста вода. Потоа додајте го исечканиот лук, морковот и пашканатот и гответе околу 1 час. Додајте зачини и тргнете го тенџерето од шпоретот.


5. Пита со ориз и праз
Потребни состојки:
1 праз
300 грама сварен ориз
Сол и бибер
Кисела вода
1 пакување кори за пита
Начин на подготовка:
Исечкајте го празот и динстајте го на малку вода. Потоа додајте го сварениот ориз и зачинете.
Одвојте една кора, ставете неколку капки кисела вода, па над неа ставете уште една кора. Нанесете од смесата со ориз и праз, свиткајте ја кората и ставете ја во тава за печење. Откако ќе го направите истото со сите кори, прелијте ја питата со кисела вода и оставете ја да се пече 20-тина минути на 200 степени.

Loading...