Со мудро избирање на состојките за чек маринадата, можете да ги претворите поевтините парчиња месо во сензација од вкус и мирис.
За да го направите месото од скарата, рерната или тавата вкусно, дајте му доволно време да се одмори во маринадата. Во принцип, маринадите треба да имаат нешто кисело, нешто мрсно и нешто миризливо за месото да биде примамливо, вкусно и меко.
Мислењата се различни за тоа дали месото да се посоли или не пред печењето на скара, но повеќето готвачи се согласуваат дека меленото месо треба добро да се посолува пред печењето, а горните парчиња откако ќе се извадат од скара. Ако додадете сол во маринадата (освен ако не е раствор од сол и вода), подобро е да не претерувате.
Медитеранска маринада
Зачинете го месото со сол и бибер и изматете го со маслиново масло. Во сад ставете парчиња лимон, па ставете го месото и на него наредете лук, млад кромид и ловоров лист. Одозгора ставете ги парчињата лимон и ставете во фрижидер преку ноќ.
Зачинета маринада
Во блендер измешајте сок од портокал со ѓумбир, бибер, излупени лути пиперки, лук и маслиновото масло. Прелијте ја маринадата врз месото и оставете да отстои 10 минути.
Ароматична маринада
Во блендер ставете чешниња лук, игли од рузмарин, суво оригано, сенф и балсамико и матете додека не се исечка лукот. Потоа постепено додавајте го маслиновото масло и мешајте додека не стане кремасто. Лесно зачинете со сол и бибер. Премачкајте го месото, ставете го во сад што можете добро да го затворите и оставете го во фрижидер најмалку четири часа.
Азиска маринада
Во поголем сад измешајте 2 лажици неутрално масло и 2 лажици шеќер со 3 лажици соја сос, 2 лажици масло од сусам, лажичка рендан ѓумбир, 3 чешниња сечкан лук, рендано јаболко. Зачинете со сол и бибер. Додадете го месото и оставете го да отстои најмалку половина час.
Маринада од бибер
Во тавче растопете го путерот. За килограм месо додадете две лажички мелени семки од коријандер, црн и бел бибер и пржете на средна топлина 1 минута. Измешајте една лажица кафеав шеќер и една и пол лажица сол. Намачкајте ја смесата врз месото и префрлете ја во сад. Покријте со најлонска фолија и ставете во фрижидер 3 часа.
