Судијата од Пенсилванија ќе издаде наредба за враќање на републиканските изборни службеници во Филаделфија, кои наводно биле исфрлени или не биле пуштени да влезат на избирачките места од страна на главните судии демократи, велат припадници на републиканската партија за Fox news.

Еден републиканец официјално тврдеше дека “само под 70” републиканските изборни службеници биле оневозможени да влезат на избирачките места во Филаделфија во вторникот наутро од страна на демократите. Еден од нив, тврди републиканецот “беше набркан од гласачкото место.”
„Инспекторите да бидат исфрлени од избирачките места се ретки, дури и за Филаделфија”, изјави службеникот за FoxNews.com.
Понатаму, на едно избирачко место во Филаделфија очигледно имало постер на претседателот Обама како украсна слика на ѕидот зад гласачки машини. На постерот, во гласачкото место сместено во локално училиште се користеле зборови како “промена!” и “надеж”, заедно со цитат од претседателот.
Републиканците обрнаа внимание на сликата во вторникот наутро, кога еден портпарол на Мит Ромни твитуваше: “Гласачите во Вард 35 во Фили се принудени да гласаат блиску до сликата.”
Изборниот закон на Пенсилванија вели дека неовластен пишан или печатен материјал не може да биде поставен во рамките на гласачкото место.
На друго место во градот, претставник на Новата партија на црни пантери беше забележан надвор од гласачкото место. Оваа партија предизвика контроверзи во 2008 година, кога членови се појавија надвор пред гласачкото место, каде еден од нив имал клуб од спроти.
Републиканците тврдат дека тие со серија судски налози имаат право да донесат т.н. изборни “инспектори”, кои, ако биде потребно ќе бидат придружувани од заменици на шерифот.
„Тоа се случува цело време”, вели Фред Војт правен консултант на градот.

Тој вели дека републикански судии обично се појавуваат на денот на изборите и седнуваат на празните места.
Дел од проблемот, според него е  тоа што републиканските инспектори се назначени кусо време пред  изборите, што доведува до низа на судири на денот на изборите.
На самото место изборните службеници се одговорни за проверка на идентитетот на гласачите, како и следење на траги од измама или обесправување.

Макфакс

Погледнете ги следниве статии

Обама ја загуби предноста пред Ромни

Ромни во минимално водство пред Обама

Ромни го зголеми водството пред Обама