Казна за 15-годишен хакер – 6 години без интернет и компјутер

Кога некој на суд ќе признае дека е виновен за закани за бомбашки напади, измами со кредитни картички, кражба на идентитет и слични казнени дела, поголемиот дел од луѓето би помислиле дека се работи за опасен cyber криминалец, но минатата недела на суд во Калифорнија вината за овие дела ги призна 15-годишно момче. 

Овој млад хакер, чие име не е познато на јавноста, но во хакерските кругови го знаат како Cosmo the God, користел интернет за во склоп на својата хакерска група (UG Nazi) да учествува во бројни cyber напади и рушење на страните на NASDAQ, CIA, UFC итн, а исто така превземал и контрола врз профили на Amazon, PayPal и други. 

Уапсен е во јуни оваа година, а на судењето кое заврши минатата недела беше осуден на забрана на самостојно користење на интернет и компјутери во наредните 6 години. На личноста која ќе ја надгледува неговата употреба на компјутери ќе мора да ги каже сите свои лозинки за пристап на разни интернет-сајтови. Забранет му е било каков контакт со други членови на UG Nazi и Anonymous. 

Според Wired, Cosmo ги признал своите дела за да избегне затворска казна. 

 

Ви препорачуваме да ги погледнете и следните статии:

 

 Македонска хакерска група ги растура грчките веб страни

 

 Anonymous го одбележаа денот на Guy Fawkes

 

 Anonymous со закани до големите корпорации

Пронајдете не на следниве мрежи: