Бразилскиот дефанзивец од редовите на Јувентус е незадоволен со својот статус во тимот и најави заминување од овој тим во текот на јануарскиот трансфер-период.

Искусниот 34-годишен одбранбен фудбалер во Торино пристигна во летото како слободен играч, но до сега одигра само еден натпреваро во Серија „А“ и два натпревари во Лигата на Шампионите во дресот на Јувентус.

Како што и самиот признава, Лусио не е среќен во Јувентус и сака да си замине од овој тим.

„Не сум среќен бидејќи не играм“

„Последниве неколку месеци ми беше многу тешко поради повредите, и поради фактот што тренерот не смета сериозно на мене. Се надевам дека во јануари ќе одам во средина во која би играл редовно“ изјави незадоволниот Лусио.