Хрватскиот репрезентативец Лука Модриќ смета дека Реал Мадрид со Герет Бејл би бил едноставно „незапирлив“.

Лука Модриќ го повика својот довчерашен соиграч да му се придружи во Реал Мадрид и со тоа да му се оствари сонот да заигра во Лигата на Шампионите.

„Знам дека Бејл сонува да заигра на елитната европска сцена и да ја освои Лигата на Шампионите“ вели Модриќ.

„Реал Мадрид е местото каде што можете да ги остварувате своите соништа. Во овој клуб играм со Роналдо кој доволно ме потсетува на Бејл, поради начинот на несопирливост на напади кон голот и поради самодовербата со кои напаѓачите ги напаѓаат своите противници. Кога би дошол во Реал Мадрид, тогаш Реал би бил незапирлив со овој тандем“ изјави Лука Модриќ.