Тренерот на Наполи, Валтер Мацари, уште еднаш го испофали Горан Пандев по серијата одлични настапи на подготвителните натпревари. 

Пандев ја помина минатата сезона во Наполи како отстапен играч од Интер и неговите игри го убедија тренерот дека е доволно добар да го откупи неговиот договор од “нераѕурите”. Како што наближува новата сезона, Мацари призна дека е импресиониран од македонскиот репрезентативец.

– Веќе кажав се што имаше да се каже за Пандев. Многу сум среќен кога го гледам како игра на ова ниво – кажа тренерот на “партенопеј” за “Газета дело спорт”.