Половичен учинок на македонските интернационалци, во последните натпревари од осмото коло во Евролигата.

Перо Антиќ со Олимпијакос забележа победа во Каунас над Жалгирис со 77:63, додека Лестер Бо Мекејлеб со Фенербахче е поразен во Мадрид од Реал со 77:61.

Антиќ во победата над Жалгирис учествуваше со 5 поени и по еден скок и асистенција, додека Мекејлеб во поразот од Реал имаше учинок од 10 поени и по еден скок и асистенција.

Олимпијакос на две кола до крајот веќе обезбеди пласман во Топ 16 фазата, каде својот пласман во последните две кола ќе треба да го потврди и Фенербахче.

Група А: Реал-Фенербахче 77:61

Група Б: Монтепаски-Уникаха 91:72

Група Ц: Жалгирис-Олимпијакос 63:77

Група Д: Бешикташ-Барселона 48:78.

Макфакс