Математичари од Британскиот Универзитет Шерфид, ја пронашле формулата со која совршено можете да ја украсите новогодишната елка…

За совршена хармонија на зеленилото и сјајот, потребно е внимателно да го изберете бројот на лампиони, должината на украсните траки и сијалички. Кога станува збор за лампионите, формулата е следнава: квадратен корен од 17 ќе го поделите со 20, потоа ќе го помножите со висината на елката во сантиметри.

За должината на сијаличките, формулата е бројот ''пи'' помножен со висината на елката.

Додека за големината на ѕвездата или врвот на елката, таа треба да ја поделите со висината на елката со 10.

За должината на украсните ленти, потребно е 13 да го помножите со бројот ''пи'', потоа да го поделите со 8 и на крај да го помножите со висината на елката.

Пример: Елка од 180см треба на себе да има 37 лампиони, 565см на сијалички. На врвот би требало врвот да биде висок 18см-соопштија математичарите кои очигледно сакаат совршена елка.